Пётр Пятрага памёр 20 кастрычніка на 66-м годзе жыцця. Ён быў пробашчам парафіі ў Касцяневічах (Вілейскі раён), а таксама апекаваўся вернікамі парафіі ў Сцешыцах, піша catholic.by.
Прэс-сакратар Рымска - Каталіцкага Касцёла на Беларусі ксёндз Юрый Санько распавёў kraj.by:
- Апошнія два тыдні Пётр Петрага ў бальніцы знаходзіўся ў коме, на апараце штучнай вентыляцыі лёгкіх. У яго дыягнаставалі каранавірус, але, разам з тым, у айца Пятра было вельмі хворае сэрца. Сказаць пра яго магу толькі тое, што гэта быў вельмі добры чалавек і святар, які прысвяціў сваё жыццё служэнню Богу і людзям.
Развітанне пройдзе ў Касцяневічах 22—23 кастрычніка.
Пахаванне адбудзецца 23 кастрычніка ў Красным Маладзечанскага раёна, дзе Пётр Пятрага служыў з 1994 па 2006 год.
Гэта ўжо другая смерць каталіцкага святара за апошні час. 13 кастрычніка ў Лідзе ад наступстваў каранавіруса памёр пробашч мясцовай парафіі Юзаф Ганьчыц.
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары