Салігорскі «Шахцёр» — сёлетні чэмпіён Беларусі па футболе.
У апошнім туры вышэйшай лігі разгарнуўся сапраўдны трылер. Салігорскі клуб у другі раз у гісторыі стаў чэмпіёнам Беларусі (першы трыумф клуба адбыўся ў далёкім 2005-м). У канцы матчу «Шахцёр» вырваў перамогу ў гульні з «Мінскам» (4:2).
У паралельным матчы БАТЭ і мінскае «Дынама» выдалі панылую безгалявую нічыю. Такім чынам, у «Шахцёра» на адзін бал больш у турнірнай табліцы, чым у барысаўскага клуба.
Трэцяе месца — у жодзінскага «Тарпеда-БелАЗ». Каманда Юрыя Пунтуса перамагла ў Віцебску (3:2), у паралельным матчы «Нёман» прайграў брэсцкаму «Дынама» і ўпусціў трэці радок.
Каментары