Аэрапорт Унукава, куды 17 студзеня павінен прыляцець з Берліна апазіцыянер Аляксей Навальны, адмовіў у магчымасці здымкі гэтай падзеі.
Аэрапорт Унукава, куды 17 студзеня павінен прыляцець з Берліна апазіцыянер Аляксей Навальны, адмовіў у магчымасці здымкі гэтай падзеі. Адказ прэс-службы Унукава апублікавала выданне Sota Vision, піша meduza.io.
Аэрапорт патлумачыў адмову антыкаранавіруснымі мерамі.
У мэтах недапушчэння распаўсюджвання каранавіруснай інфекцыі, а таксама бяспекі прыбывання пасажыраў і гасцей міжнароднага аэрапорта Унукава масавыя мерапрыемствы, у тым ліку арганізацыя дзейнасці сродкаў масавай інфармацыі на тэрыторыі аэравакзальнага комплексу часова не праводзяцца, гаворыцца ў паведамленні.
Пры гэтым прэс-служба Унукава запэўніла, што відэа пасажыраў рэйса з Берліна «будзе прадастаўлена».
Аляксей Навальны анансаваў вяртанне ў Маскву з Берліна на 17 студзеня, нягледзячы на тое, што ў Расіі яму пагражае турма. Федэральная служба выканання пакаранняў заклікала перавесці ўмоўны тэрмін у рэальны па справе «Іў Рашэ».
Пасля таго, як Навальны заявіў пра вяртанне, стала вядома, што ён абвешчаны ў федэральны вышук, г.зн. па прылёце ён можа быць адразу затрыманы. Нягледзячы на гэта, палітык не памяняў свайго намеру.
-
Самалёт Flydubai уратавалі пілот-індыец і тры пасажыры, адзін з якіх стаматолаг. Другога пілота звязалі правадамі ад слухавак і маланкамі
-
У Паўднёвай Карэі 600 тысяч чалавек прыйшлі паглядзець на акулу, якая захрасла ў канале
-
У амерыканскім Тэнэсі ўпершыню за 200 гадоў збіраліся пакараць смерцю жанчыну. Але выкананне прыпынілі за гадзіну да прызначанага часу
Каментары