Заснавальнік Alibaba Джэк Ма, які з восені мінулага года на некалькі месяцаў знік з публічнага поля, узяў удзел у цырымоніі ўручэння прэміі сельскім настаўнікам уласнага імя, піша Global Times.
Ма, які не з'яўляецца на публіцы з кастрычніка, выступіў на дабрачынным мерапрыемстве па відэасувязі. Ён заклікаў падтрымліваць настаўнікаў і кітайскую сістэму адукацыі.
У кастрычніку ён раскрытыкаваў палітыку ўладаў краіны ў дачыненні да бізнэсу, заявіўшы, што «пастаянны кантроль можа задушыць інавацыі» ў краіне. Пасля гэтага нацыянальны рэгулятар заблакаваў IPO (працэдуру выхаду на біржу) адной з кампаній Ма — фінтэх-карпарацыі Ant Group.
З-за таго, што Ма ўвесь гэты час не выступаў на публіцы, у бізнэс-колах з'явіліся чуткі пра тое, што на яго аказваецца ціск з боку ўладаў. Дапускалася, што мільярдэр стаў фігурантам крымінальнай справы, як раней бывала з некаторымі бізнэсоўцамі, якія наважыліся адкрыта крытыкаваць дзяржаўны лад.
Каментары