Магілёўскі абласны суд прызнаў бабруйскую журналістку ўдзельніцай несанкцыянаванай акцыі
Журналістцы незалежнага інтэрнэт-выдання «Бабруйскі кур'ер» Марыне Малчанавай не ўдалося абскардзіць пастанову бабруйскага суда аб пакаранні яе штрафам у 20 базавых велічынь (580 рублёў) за нібыта ўдзел у несанкцыянаваным масавым мерапрыемстве, піша 6tv.by.
Мірная пратэсная акцыя двух дзясяткаў бабруйчан праходзіла яшчэ 4 кастрычніка 2020 года. Тады журналістка «Бабруйскага кур'ера» знаходзілася ў месцы яе правядзення для асвятлення мерапрыемства. Аднак дзяўчыну, як і некаторых іншых грамадзян, затрымалі супрацоўнікі міліцыі.
Пасля пяці пасяджэнняў суд Бабруйска і Бабруйскага раёна 2 лютага пастанавіў прызнаць Марыну Малчанаву вінаватай і пакараць яе штрафам — 20 базавых велічынь.
Бабруйская журналістка не пагадзілася з вердыктам мясцовага суда і абскардзіла пастанову ў Магілёўскім абласным судзе.
Суддзя Ірына Цяплова пакінула без зменаў рашэнне сваіх бабруйскіх калегаў, а скаргу Малчанавай — без задавальнення.
Каментары