Стала вядома прозвішча афіцэра ГУБАЗіКа, які перадаваў інфармацыю руху за свабодныя выбары
Тэлеканал «Беларусь-1» паказаў дакументальны фільм, прысвечаны ініцыятыве BYPOL. Там таксама афіцыйна агучылі інфармацыю пра падпалкоўніка ГУБАЗіКа, які супрацоўнічаў з рухам за свабодныя выбары і грамадзянскія правы і перадаў «Байполу» вялізны масіў інфармацыі.
BYPOL — гэта ініцыятыва сілавікоў за свабодныя выбары.
ГУБАЗіК — гэта ўпраўленне міліцыі, якое мае займацца арганізаванай злачыннасцю і карупцыяй, але за апошні год пераключылася на палітычныя справы і стала свайго роду «тайнай палітычнай паліцыяй». Амаль штодзённа з розных гарадоў краіны прыходзяць паведамленні пра затрыманні і ператрусы, якія ГУБАЗіК праводзіць у праціўнікаў Аляксандра Лукашэнкі. Аднак ад восені стала ясна, што знутры самога ГУБАЗіКа выцякае інфармацыя.
У фільме «Беларусь-1» паказалі відэа працы ГУБАЗіКа. Закадравы голас растлумачыў: гэта відэа з'явілася ў сеціве 28 лістапада, «праз два дні пасля таго, як старшы оперупаўнаважаны 4-га аддзела 1-га ўпраўлення ГУБАЗіК Станіслаў Лупаносаў збег ва Украіну», цытуе Tut.by.
Начальнік ГУБАЗіКа Андрэй Паршын заявіў, што падпалкоўнік займаўся перадачай інфармацыі мэтанакіравана.
— Збіраў інфармацыю, ні ў якім разе сябе не выяўляючы, — тую, да якой меў доступ.
На думку Паршына, шмат у чым інфармацыя, апублікаваная BYPOL, была перададзеная менавіта Лупаносавым.
— У нас былі ўжо магчымыя намёткі на тое, што са «святая святых» ідзе такая ўцечка інфармацыі. І мы былі блізкія да таго, каб задаць пэўныя пытанні непасрэдна начальніку супрацоўніка, які здзейсніў гэтыя дзеянні, — распавёў Паршын.
Паводле Паршына, Станіслаў Лупаносаў як спецыяліст у IT-сферы займаўся распрацоўкай Сяргея Ціханоўскага і праекта «Краіна для жыцця».
Каго з палітвязняў могуць выпусціць пасля анонсу Лукашэнкі?3
Каментары