Як нявеста палітвязня рыхтавалася да вяселля ў турме — ФОТАГІСТОРЫЯ
Гісторыю палітвязня Яўгена Бароўскага і ягонай нявесты апісвае фатограф Павел Крычко.
Мінскай чацвёрцы, якая адбіла ад амапаўцаў чалавека, далі ад чатырох да пяці гадоў калоніі
Вераніка і Яўген распісаліся ў СІЗА-1 на Валадарскага на мінулым тыдні паміж пасяджэннем суда, дзе прагучалі апошнія словы абвінавачаных, і абвяшчэннем прысуду.
У адным з лістоў на свабоду, Жэня абмовіўся пра вяселле, а Вераніка падтрымала такую ідэю і ў зваротным лісце даслала бланк заявы ў ЗАГС.
На момант роспісу яны ведалі толькі аб магчымым тэрміне ў 4 гады калоніі агульнага рэжыму, які праз некалькі дзён быў абвешчаны ў судзе.
Як кажуць супрацоўнікі ЗАГС, такія падзеі апошнім часам не рэдкасць.
Для роспісу ў СІЗА трэба было атрымаць дазвол суддзі. На сам роспіс сыходзіць літаральна некалькі хвілін. Ніхто, акрамя пары, канвою і работніка ЗАГС не прысутнічае. Залежыць ад канвою, але ў найлепшым выпадку могуць даць трохі пагутарыць, абняцца, патрымацца за рукі, і то ў пальчатках і ахоўных экранах на галаве (у сувязі з COVID).
Каментары