Падчас адпачынку ў ААЭ загінуў беларускі бізнэсовец Павел Карагін. Гэтую інфармацыю пацвердзілі Tut.by яго сваякі і калегі. У верасні 2020 года ён адзначыў 45-годдзе.
Трагедыя адбылася 30 сакавіка ў Дубаі, дзе Карагін знаходзіўся з сям'ёй на адпачынку.
— Павел займаўся парашутным спортам больш за 20 гадоў. У той фатальны дзень ён скакаў з міжнароднай камандай у цэнтры парашутнага спорту Skydive Dubai Desert. Па няшчасным збегу абставін адбылося сутыкненне парашутыстаў у паветры. Паўлу не хапала часу і вышыні, каб раскрыць запасны парашут, — распавялі калегі Карагіна.
Павел Карагін шырока вядомы ў ювелірным бізнэсе. Ён быў заснавальнікам і ўладальнікам сетак «Царскае золата», «Залатая мара» і «Стайм». У 2020 годзе ён выйшаў з гэтага бізнэсу і стаў рэалізоўваць сябе ў іншых праектах.
У Паўла засталіся жонка і трое дзяцей.
Цяпер чытаюць
Разведка ЗША: Беларусь стала перадавым вайсковым плацдармам Расіі16
Каментары