Красавіцкая халадэча амаль на месяц адстае ад кліматычнага графіка. Сярэднясутачныя тэмпературы на 5-8 градусаў ніжэйшыя за норму. У ападках увогуле пераважае снег. Апошні раз у ХХІ стагоддзі такі холад у канцы красавіка стаяў у 2005 годзе. Пра гэта расказалі Tut.by у Белгідрамеце.
У аўторак, 27 красавіка, пахмурна, але з праясненнямі. Часам мокры снег і дождж. Тым не менш дзе-нідзе навальніцы. Уначы ад -5 да +1ºC, максімальная днём +4…+10ºC.
У Мінску ў аўторак максімум +7, часам мокры снег, піша pogoda.by.
У сераду аблокаў і ападкаў стане менш. Кароткачасовыя дажджы. Уначы -2…+3ºC, удзень +7…+14ºC. У Мінску ўжо +8ºC.
У чацвер, 29 красавіка, сітуацыя пачне змяняцца: з паўднёвага захаду Еўропы на Беларусь стане паступаць больш цёплая паветраная маса.
Удзень + 10…+17ºC, на паўднёвым захадзе на пару градусаў цяплей. У Мінску +12ºC.
У пятніцу, у апошні дзень месяца, дажджы, навальніцы. Днём ад +8°С на поўначы да +22°С на поўдні. У Мінску +14°С.
Паводле папярэдняга прагнозу, у выхадныя ўсталюецца ўмерана цёплае надвор'е.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»7
Каментары