За мінулыя суткі ў Індыі дыягнаставалі 401 993 новых выпадкаў заражэння COVID-19, што стала рэкордам з пачатку пандэмі. За апошнія суткі ў краіне памерлі 3523 чалавекі.
Як адзначае The Times of India, ужо дзесятыя суткі запар штодзённы прырост новых выпадкаў каранавіруснай інфекцыі перавышае 300 тысяч.
З верасня па люты тэмпы распаўсюджвання эпідэміі ў Індыі зніжаліся, дасягнуўшы на мінімуме 9 тысяч новых выпадкаў у суткі. Аднак з канца лютага пачаўся імклівы рост колькасці выпадкаў, што дало падставу прэм'ер-міністру Нарэндра Модзі заявіць пра «каранавірусны шторм».
Па абсалютнай колькасці дыягнаставаных выпадкаў COVID Індыя знаходзіцца на другім месцы ў свеце, саступаючы толькі ЗША, дзе зафіксавалі больш за 33 млн хворых.
У адносным вымярэнні Індыя займае 114 месца ў свеце — 13 776 заражэнняў на 1 млн жыхароў.
Беларусь на 76-м месцы, у нас 37 975 на 1 млн выпадкаў.
Цяпер чытаюць
Лукашэнка: Што творыцца ў краіне, у нас усе гэтую гусь круцяць22
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5757
Каментары