Другое месца заняў гурт «ДзеціДзяцей» (Мінск), трэцяе — сталічны гурт Unia.
Пераможцам пятага фестывалю беларускай музыкі «Амбасовішча» стаў гурт «Хуткі смоўж» з Магілёўскай вобласці. Выканаўцы набралі 53 галасы гледачоў.
Другое месца з 45 галасамі заняў гурт «ДзеціДзяцей» (Мінск), трэцяе — сталічны гурт Unia (44 галасы).
Фестываль па традыцыі прайшоў у рэзідэнцыі амерыканскага пасла ў Раўбічах пад Мінскам.
У ім узялі ўдзел 11 гуртоў з розных рэгіёнаў Беларусі, якія прадстаўляюць розныя музычныя жанры. Перад прысутнымі выступілі беларускі ўдзельнік «Еўрабачання‑2009» Пётр Ялфімаў і амерыканскі гурт The Gifted Children (штат Нью‑Йорк).
Часовы павераны ў справах ЗША у Беларусі Джонатан Мур адзначыў у інтэрв’ю БелаПАН, што праз некалькі тыдняў пакідае краіну ў сувязі з завяршэннем сваёй місіі. «Я не вельмі рады таму, што з’язджаю, паколькі не давёў да канца тое, што хацеў», — сказаў дыпламат. Сярод поспехаў сваёй місіі Мур адзначыў фестываль «Амбасовішча», які стаў для яго чацвёртым.
Паводле слоў Мура, фестываль перадусім прысвечаны свабодзе: «Гэта свята свабоды слова, свабоды выказвання. Гэта магчымасць быць разам і слухаць таленавітых музыкантаў».
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары