Пра гэта прэм'ер Беларусі заявіў, выступаючы сёння ў парламенце.
«Гэтым разам мішэнню павінны стаць беларускія прадпрыемствы. Пры гэтым у разлік не прымаецца, што ў канчатковым выніку гэта ўдарыць па нашых людзях, пра дабрабыт якіх яны нібыта дбаюць, — заявіў Раман Галоўчанка. — Мы — суверэнная і самастойная дзяржава і здольныя абараніць сваіх грамадзян і свае прадпрыемствы».
Ён адзначыў, што ў адказ на магчымыя санкцыі падрыхтаваны комплекс спецыяльных ахоўных мер у поўнай адпаведнасці з нашым заканадаўствам.
«Я не буду зараз раскрываць увесь пералік. Але мяркую, што ён будзе вельмі адчувальным для краін, якія занялі адкрыта варожую пазіцыю, — ад эмбарга на ўвоз тавараў да абмежавання транзіту. Але мы ўсё ж разлічваем на разважлівасць тых, хто спяшаецца прайсці кропку незвароту, і прапануем ацвярэзіцца і падумаць яшчэ раз перад тым, як стаць на слізкую сцежку эканамічнай вайны, у якой не будзе пераможцаў», — сказаў прэм'ер.
Урад разумее, што санкцыі не будуць лёгкімі.
«Нам прыйдзецца і паскорана займацца дыверсіфікацыяй экспарту, і скарачаць выдаткі на непершачарговыя задачы, і вырашаць цэлы шэраг іншых пытанняў.
Але суверэнітэт і незалежнасць ніколі не даваліся лёгка. За іх трэба змагацца і быць гатовым да цяжкасцяў. Хачу нагадаць, што абсалютна ўсе сцэнары каляровых рэвалюцый апошняга дзесяцігоддзя, ад Туніса да Украіны, заканчваліся аднолькава — рэзкім падзеннем узроўню жыцця ў параўнанні з дарэвалюцыйным перыядам, крывавым перадзелам уласнасці, спаўзаннем у пазыковую яму. І фактычным пераходам пад знешняе кіраванне. Такі вынік гвалтоўнай дэмакратызацыі, плаціць за які заўсёды вымушаныя простыя людзі», — сказаў на заканчэнне прэм'ер.
«Беларусь цябе любіць». Рэпартаж з развітання з Мікітам Мелказёравым8
Каментары