Рэдактар-заснавальнік інтэрнэт-выдання «Українська правда» Алёна Прытула і генеральны дырэктар Dragon Capital Томаш Фіяла заключылі пагадненне, па ўмовах якога 100% карпаратыўных правоў на выданне і ўсе яго актывы пераходзяць у групу кампаній Dragon Capital.
Бакі дамовіліся аб тым, што рэдакцыйная палітыка выдання і падыходы да працы застануцца без змен.
Інвесткампанія Dragon Capital чэха Фіялы ўжо валодае часопісам і сайтам НВ, «Радіо НВ», а таксама кантрольным пакетам выданняў «Мінфін» і Finance.ua.
Такім чынам, Фіяла становіцца адным з найбуйнейшых украінскіх медыя-магнатаў.
Ва ўкраінскім сегменце грамадска-палітычных інтэрнэт-выданняў ёсць умоўная група так званых «якасных медыя». І НВ, і «Українська правда» трапляюць у гэтую катэгорыю.
У абодвух ёсць ядро лаяльнай аўдыторыі, якая ў той ці іншай форме гатовая плаціць за кантэнт.
Украінскае медыя-асяроддзе мяркуе, што купля аўтарытэтнага выдання можа быць выклікана не толькі бізнэс-логікай, але і жаданнем Фіялы ўдзельнічаць у палітычным жыцці Украіны.
Для Украіны гэта цікавы прэцэдэнт ўзнікнення першага холдынгу «якасных медыя», незалежных ад буйных алігархічных сіл.
Каментары