Кіраўнік «ЛНР» заявіў пра кантакты з Мінскам у справе Пратасевіча
Кіраўнік г. зв. Луганскай Народнай Рэспублікі Леанід Пасечнік заявіў, што праваахоўныя органы знаходзяцца ў кантакце з уладамі Беларусі па справе затрыманага пасля інцыдэнту з самалётам Ryanair Рамана Пратасевіча.
Пра гэта паведамляе «РІА Навіны».
Паводле яго слоў, луганскія следчыя павінны былі ўжо выехаць у Мінск для вочнай сустрэчы з беларускімі калегамі і допыту журналіста з нагоды яго меркаванага ўдзелу ў дзейнасці батальёна «Азоў».
«Гэта не дакладна. Але кантакты, сазвоны былі 100 адсоткаў», — распавёў Пасечнік.
Раней паведамлялася, што 27 мая Генпракуратура ЛНР распачала крымінальную справу супраць Пратасевіча.
Таксама сёння стала вядома, што адвакатка змагла трапіць да Рамана. Ён перанёс цяжкую форму танзіліту, у яго былі праблемы з горлам. «Якое лячэнне аказвалі, як яны яго лячылі — нам да канца невядома. Будзем праз адваката ўдакладняць усе гэтыя пытанні», — расказаў бацька.
Ён дадаў, што робіць усё, каб дапамагчы сыну, каб да яго дапусцілі дактароў.
Цяпер чытаюць
Малады работнік «Мінск-Арэны» павінен заплаціць 71 мільён даляраў4
Каментары