Двое маладзечанцаў атрымалі суткі за нядзельную акцыю ля помніка пакутнікам за волю і незалежнасць Беларусі
За акцыю каля Помніка пакутнікам за волю і незалежнасць Беларусі двум маладзечанцам прысудзілі суткі адміністрацыйнага арышту, паведамляе «Рэгіянальная газета».
Пётр Дыко атрымаў 15 сутак арышту, а Жанна Пілючонак — 25 сутак.
Яшчэ дзвюх жанчын, у якіх былі непаўналетнія дзеці, у нядзелю адпусцілі з аддзялення. Пра суды над імі пакуль нічога невядома.
Нагадаем, у гэтую нядзелю, 20 чэрвеня, ля Помніка пакутнікам за волю і незалежнасць Беларусі, па меркаванні супрацоўнікаў міліцыі, прайшла несанкцыянаваная акцыя. Людзей, што знаходзіліся побач, затрымалі міліцыянеры. У аддзяленне міліцыі таксама былі дастаўлены два карэспандэнты «Рэгіянальнай газеты», што знаходзіліся ля помніка.
Ці варта купляць закінутую хату за адну базавую і колькі гэта каштуе насамрэч? Вось што расказваюць людзі4
Каментары