«На выбар Файзер і Джонсан». У Польшчы беларусаў вакцынуюць ад кароны бясплатна
Цяпер для таго, каб атрымаць вакцыну ад каранавіруса, не патрэбныя аніякія іншыя дакументы. Пра гэта ў сваім фэйсбуку напісаў адзін з беларусаў, які жыве ў Польшчы.
«Палякі ўсвядомілі, што хварэюць людзі не па факце рэгістрацыі, а па факце фактычнага пражывання, і з 20 чэрвеня ў Варшаве арганізавалі магчымасць прышчапіцца ўсім па пашпарце. Разумны крок! 24 чэрвеня гэтая магчымасць з'явілася і ў Траймесце (Гданьск, Сопат, Гдыня), — піша Валянцін Сакалоўскі. — Вакцынацыя бясплатная, пашпарта беларускага дастаткова (нават візу не глядзелі), усё стандартна — прыйшоў, вайскоўцы выдалі анкету (вось чым армія займацца павінна, а не музей калючым дротам па выхадных абносіць), — заўважае мужчына. — Потым да доктара, які выпісвае накіраванне і прышчапляе. На выбар Файзер і Джонсан, я абраў другі варыянт. Сертыфікат таксама даюць на месцы адразу».
Адзначым, што абедзве вышэйзгаданыя вакцыны даюць больш магчымасцяў падарожнічаць, бо прызнаюцца краінамі Еўрасаюза. «Спутнік», якім прышчэпліваюць у Расіі і Беларусі, пакуль што не адобраны ў Еўропе і шэрагу іншых краін.
У Польшчы на сёння прышчэпленыя хоць адной дозай каля 44% насельніцтва, у Беларусі — каля 8%.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу15
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ3131
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ31
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары