Амерыканскага паліцэйскага, які забіў Джорджа Флойда, прысудзілі да 22,5 года турмы
Суд у Мінеапалісе прысудзіў былога паліцэйскага Дэрэка Шавіна да 22,5 года зняволення за забойства афраамерыканца Джорджа Флойда, перадае ria.ru.
Пасяджэнне транслявалі амерыканскія тэлеканалы.
Суддзя Пітэр Кэхіл заявіў, што прысуд заснаваны не на грамадскім меркаванні і «не на эмоцыях і сімпатыях». Ён выказаў спачуванні сям'і загінулага.
Звяртаючыся да Шавіна, суддзя растлумачыў, што прысуджае яго да тэрміну, які на дзесяць гадоў большы, чым прынятае для падобнага злачынства зняволенне ў 150 месяцаў.
«Гэта рашэнне заснавана на вашым злоўжыванні ўладай і даверам, а таксама на той асаблівай жорсткасці, якую вы прадэманстравалі ў дачыненні да Джорджа Флойда», — дадаў Кэхіл.
Чакаецца, што Шавін зможа прэтэндаваць на ўмоўна-датэрміновае вызваленне праз 15 гадоў — дзве траціны тэрміну. Абвінавачванне прасіла для падсуднага 30 гадоў турмы. Як заявіў намеснік генпракурора Мінесоты Мэцью Франк, ён дзейнічаў жорстка, цынічна, у прысутнасці дзяцей, парушаючы нормы паводзін паліцэйскага.
Сам Шавін выказаў спачуванні сям'і Флойда, але прасіць прабачэння не стаў. «Я хачу выказаць мае спачуванні сям'і Флойда. Ёсць некаторая інфармацыя, якая ў будучыні будзе мець цікавасць і, спадзяюся, некалькі супакоіць вас», — сказаў экс-паліцэйскі ў апошнім слове перад прысудам.
Забойства Флойда 25 мая 2020 года справакавала масавыя пратэсты і беспарадкі па ўсёй тэрыторыі ЗША, а таксама дыскусію ў грамадстве аб неабходнасці рэфармаваць паліцыю.
Цяпер чытаюць
Заснавальнік дабрачынных фондаў для дапамогі дзецям Лысянкоў дабегаўся — яго затрымаў ДФР5
Каментары