У аўторак пачнецца суд над Аляксандрам Сакалоўскім. Яго абвінавачваюць у здрадзе дзяржаве
Вярхоўны суд 3 жніўня пачынае разгляд справы Аляксандра Сакалоўскага, які абвінавачваецца па ч. 1 арт. 356 «Здрада дзяржаве».
Пра гэтага чалавека нічога невядома, піша Reform.by.
Справа будзе разглядацца ў закрытым рэжыме. Пачатак а 10.00. У праваабаронцаў няма ніякай інфармацыі, хто гэты чалавек і якія абставіны справы.
Яму пагражае да 15 гадоў пазбаўлення волі.
У маі да 18 гадоў калоніі строгага рэжыму за «дзяржаўную здраду» (ч. 2 арт. 356 КК Беларусі) атрымаў экс-капітан Генштаба Дзяніс Урад. Ён сфатаграфаваў сакрэтны ліст ад міністра ўнутраных спраў міністру абароны і адправіў гэты здымак тэлеграм-каналу, прызнанаму экстрэмісцкім.
Суд прайшоў у закрытым рэжыме, і прысуд не падлягае абскарджанню.
Таксама ў здрадзе дзяржаве (ч. 1 арт. 356 КК Беларусі) абвінавачваюць журналіста і медыяменеджара Андрэя Аляксандрава.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА116
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары