Airbnb дапаможа бясплатна размясціць да 20 тысяч афганскіх бежанцаў
Пакуль што невядома, дзе канкрэтна будуць жыць уцекачы і на які час яны атрымаюць падтрымку.
Анлайн-пляцоўка Airbnb, якая дапамагае арандаваць прыватнае жыллё ва ўсім свеце, дапаможа размясціць да 20 тысяч бежанцаў з Афганістана. Кампанія будзе супрацоўнічаць са сваімі карыстальнікамі, якія пажадаюць бясплатна размясціць у сябе ўцекачоў, або з тымі, хто будзе гатовы прапанаваць ім жыллё са зніжкай. У другім выпадку ўсе выдаткі, як і аператыўныя расходы, на сябе возьме дабрачынная арганізацыя. Браян Чэскі, сузаснавальнік і выканаўчы дырэктар Airbnb, таксама будзе фінансаваць акцыю кампаніі.
Чэскі спадзяецца, што дзеянні Airbnb натхняць кіраўнікоў іншых кампаній на аналагічныя дабрачынныя праекты, піша Guardian.
Рэсурс Airbnb.org — некамерцыйная галіна асноўнай кампаніі — быў створаны ў канцы мінулага года з мэтай дапамагаць знаходзіць тэрміновае жыллё для людзей ва ўмовах крызісаў. Ідэя прапаноўваць жыллё бясплатна, аднак, з’явілася яшчэ раней. У 2012 годзе падчас урагану Сэндзі адна з карыстальніц платформы пажадала прапанаваць жыллё пацярпелым ад стыхіі, і кампанія хутка падхапіла ідэю. З таго часу больш за 75 тысяч чалавек атрымалі такую падтрымку праз каардынацыю Airbnb.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску12
Каментары