Курыя Мінска-Магілёўскай архідыяцэзіі: арцыбіскупа Станеўскага некарэктна называць кіраўніком усіх беларускіх католікаў
Папа Францішак прызначыў Юзафа Станеўскага новым арцыбіскупам мітрапалітам Мінска-Магілёўскім. Станеўскага ў беларускіх СМІ адразу назвалі кіраўніком усіх католікаў Беларусі. Наколькі правільна так казаць, catholic.by растлумачыў канцлер курыі Мінска-Магілёўскай архідыяцэзіі, ксёндз канонік Дзмітрый Пухальскі, спецыяліст па кананічным праве.
«Перадусім трэба дакладна разумець, што мы маем на ўвазе, ужываючы тэрмін «новы кіраўнік», таму што па сутнасці кожны біскуп у сваёй дыяцэзіі з’яўляецца кіраўніком свайго мясцовага Касцёла (дыяцэзіі). Новапрызначаны арцыбіскуп мітрапаліт Мінска-Магілёўскі Юзаф Станеўскі з моманту свайго кананічнага ўступлення на пасаду ўзначаліць Мінска-Магілёўскую архідыяцэзію і стане на чале Мінска-Магілёўскай Мітраполіі, у якую ўваходзяць чатыры беларускія дыяцэзіі [Мінска-Магілёўская архідыяцэзія, а таксама Гродзенская, Пінская, якая ахоплівае Брэсцкую і Гомельскую вобласці, і Віцебская дыяцэзіі. — НН].
Але разам з тым ён не будзе кіраўніком усіх гэтых дыяцэзій, бо ў кожнай з іх ёсць свой уласны кіраўнік — дыяцэзіяльны біскуп, прызначаны Папам», — тлумачыць Д. Пухальскі.
«Паўнамоцтвы Мітрапаліта ў адносінах да іншых дыяцэзій, акрамя Мінска-Магілёўскай архідыяцэзіі, мінімальныя, таму больш правільна казаць, што Мітрапаліт узначальвае Мінска-Магілёўскую Мітраполію, але пры гэтым не кіруе ўсімі католікамі Беларусі. У адрозненне ад праваслаўнага Мітрапаліта, ён сам не прызначае новых біскупаў і не звальняе іх з пасады. У Каталіцкім Касцёле гэта выключная прэрагатыва біскупа Рыма — Папы.
Такім чынам, мы бачым, што ўжыванне тэрміну «кіраўнік Касцёла ў Беларусі», або «галава беларускіх католікаў» у прынцыпе не з’яўляецца карэктным.
Служыў у войску, сустракаў Кандрусевіча на мяжы. Што вядома пра новага кіраўніка Каталіцкага касцёла
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2727
Каментары