Польшча пагражае спыніць чыгуначны рух і закрыць астатнія памежныя пераходы на мяжы з Беларуссю
Праз міграцыйны крызіс і эскалацыю падзей на мяжы Польшча можа закрыць памежныя пераходы і спыніць чыгуначны рух з Беларуссю, заявіў кіраўнік МУС Польшчы.
Зараз закрыты толькі пункт пропуску «Кузніца», з беларускага боку гэта «Брузгі».
9 лістапада побач з памежнымі пунктамі размясціўся лагер мігрантаў не менш як на 2000 чалавек. Яны спрабуюць прарвацца праз мяжу і патрапіць у Германію. Польшча адмаўляецца прымаць іх.
Між тым сітуацыя ў мігранцкім лагеры ‒ вельмі цяжкая. Сёння на польскім баку побач з мяжой Беларусі было знойдзена яшчэ адно цела мігранта ‒ 20-гадовага грамадзяніна Сірыі. Прычына смерці невядомая.
Ноччу група мігрантаў каля 100 чалавек спрабавала нелегальна перасячы мяжу. Польскія памежнікі паведамляюць, што мігранты ўжылі супраць іх слёзатачывы газ.
У самім лагеры ўмовы ‒ на мяжы гуманітарнай катастрофы. Ніякіх сур'ёзных крокаў для вырашэння праблемы намётавага лагера зроблена пакуль не было.
Між тым, нават беларускія прапагандысты не хаваюць, што вырашыць праблему — нескладана для беларускіх уладаў, трэба толькі «папрасіць Лукашэнку». Сёння, дарэчы, Пуцін анансаваў магчымую размову Меркель і Лукашэнкі.
Прапагандысты запэўніваюць, што 196 палітвязняў ужо на свабодзе9
Каментары