Латвія папрасіла пастаяннай вайсковай прысутнасці ЗША на сваёй тэрыторыі. Пентагон пакуль не каментуе гэтую заяву
Каб стрымліваць Расію і ўмацаваць абарончы патэнцыял, латвійскі міністр абароны Арціс Пабрыкс заявіў пра неабходнасць міжнароднай дапамогі. Прадстаўнік абароннага ведамства ЗША Антон Семелрот пакуль не гатовы нічога сказаць пра рашэнне, паведамляе ТАСС.
У панядзелак міністры замежных спраў краін-удзельніц NATO з’ехаліся ў Рыгу на нараду па бяспецы. Краіны ўстрывожаныя тым, што Расія другі раз за год сцягвае войскі да межаў з Украінай, а таксама занепакоеныя падзеямі на мяжы з Беларуссю.
«Напад на аднаго з саюзнікаў — гэта напад на ўсіх саюзнікаў», — заявіў Генеральны Сакратар NATO Енс Столтэнберг.
Ён паабяцаў, што сілы NATO «будуць пільнымі і гатовымі ў любы час прыйсці на дапамогу сваім саюзнікам».
У панядзелак Латвія папрасіла аб міжнароднай дапамозе, пастаяннай вайсковай прысутнасці ЗША і заявіла, што хоча ўмацаваць свой абарончы патэнцыял пры дапамозе амерыканскіх ракет Patriot.
Пакуль Пентагон ніяк не пракаментаваў просьбу Латвіі аб пастаяннай вайсковай прысутнасці ЗША і аб пастаўцы ракет Patriot.
Енс Столтэнберг правядзе нараду міністраў замежных спраў краін-удзельніц NATO ў аўторак і сераду.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары