Прэм'ер-міністр Іспаніі Пэдра Санчас абвясціў, што ў краіне будзе вернутае абавязковае нашэнне масак не толькі ў грамадскіх памяшканнях, але і на вуліцы.
Іспанія адмяніла каранавірусныя абмежаванні яшчэ на пачатку лета, але цяпер, калі колькасць заражэнняў зноў б'е рэкорды, вяртае некаторыя з іх. 20 снежня ў краіне было зарэгістравана 79 тыс. новых заражэнняў каранавірусам, за апошнія суткі — 60 тысяч. Прыкладна палова выпадкаў, паводле папярэдніх ацэнак, прыпадае на «амікрон», піша Бі-бі-сі.
Таксама ў Каталоніі суд у чацвер пацвердзіў правамернасць рашэння мясцовых уладаў увесці начную каменданцкую гадзіну. Цяпер каталонцам забаронена выходзіць з дому з гадзіны ночы да шасці раніцы.
У чацвер аб вяртанні абавязковых масак на вуліцы з-за «амікрона» і ўзлёту колькасці заражэнняў абвясціў і міністр аховы здароўя Італіі Раберта Сперанца.
Акрамя звычайных масак на вуліцы, італьянцы цяпер павінны будуць мець маскі павышанай ступені абароны, узроўню FFP2, у кінатэатрах, тэатрах і на стадыёнах.
Акрамя таго, урад Італіі вырашыў забараніць усе масавыя святкаванні Новага года і зачыніць дыскатэкі і клубы да 31 студзеня.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?10
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары