Тэлебачанне Казахстана паказала відэа з затрыманым, які прызнаўся ва ўдзеле ў пратэстах за грошы. Гэта вядомы джазавы музыкант
Дзяржаўныя тэлеканалы Казахстана «Qazaqstan» і «Хабар 24» апублікавалі ў сябе ў сацсетках відэа з затрыманым, які, як сцвярджаецца, прыляцеў з Кыргызстана і атрымаў за ўдзел у пратэстах 90 тысяч тэнге (прыкладна 208 даляраў).
Са слоў героя роліка, 1 студзеня з ім звязаліся «незнаёмыя людзі», якія прапанавалі паўдзельнічаць у мітынгу. Калі ён пагадзіўся, аплацілі яму пералёт у Алматы і размясцілі яго ў кватэры з грамадзянамі Таджыкістана і Узбекістана. Затрыманы патлумачыў сваю згоду ўдзельнічаць у пратэстах тым, што ён «беспрацоўны». Мяркуючы па кадрах відэа, мужчына быў збіты.
Аказалася, што на відэа — піяніст, кіраўнік джазавага аркестра з Бішкека Вікрам Рузахунаў, які часта гастраляваў у Алматы. Яго пазналі сваякі і калегі.
У прэс-службе МУС Кыргызстана паведамілі, што музыка сапраўды паляцеў у Казахстан увечары 2 студзеня, куды яго запрасілі «для правядзення канцэртных праграм». Пры гэтым квіток у Алматы купілі яшчэ 16 снежня.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай2
Каментары