Аўстралійскі суд адмяніў рашэнне аб ануляванні візы Новака Джокавіча. Ён, магчыма, зможа ўдзельнічаць у Australian Open
Суд Мельбурна разгледзеў апеляцыю тэнісіста на ануляванне яго візы. Суддзя задаволіў апеляцыю серба і пастанавіў вызваліць яго пасля завяршэння пасяджэння.
Суддзя Энтані Кэлі таксама распарадзіўся адпусціць Джокавіча на волю, вярнуць яму пашпарт і кампенсаваць судовыя выдаткі.
Пракуратура мае намер абскардзіць рашэнне суда.
Джокавіч прыляцеў у Мельбурн 6 студзеня для ўдзелу ў Australian Open, тэнісным турніры на якім ён станавіўся пераможцам дзевяць разоў. Турнір стартуе на наступным тыдні.
Пасля прылёту ў Мельбурн высветлілася, што ў тэнісіста няправільна аформленая віза і няма сертыфіката аб вакцынацыі.
Серба затрымалі і адвялі ў асобны пакой пад ахову паліцыі. Джокавіч не змог растлумачыць прычыну, па якой яму дазволілі не вакцынавацца, таму было прынятае рашэнне ануляваць візу і дэпартаваць тэнісіста з краіны.
Раней серб быў вядомы, як праціўнік вакцынацыі, але потым не паведамлялася, вакцынаваўся ён ці не. Праз пару дзён адвакаты Джокавіча заявілі, што ў снежні ён перахварэў на кавід.
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго5
Каментары