«Узяў за ногі і выкінуў з машыны»: у Маладзечне таксіст-нелегал трапіў на інспектарку з падатковай
У Маладзечне супрацоўніца падатковай інспекцыі выяўляла таксістаў-нелегалаў. Адзін з заказаў жанчына аформіла праз мабільную праграму — да яе прыехаў аўтамабіль Kia Rio, які нічым не нагадваў таксі.
Пасля прыезду ў пункт прызначэння, кіроўца ўзяў аплату наяўнымі, а чэк пасажырцы не выдаў, паведамляе «Маладзечанская газета».
Патлумачыўшы мэту паездкі і паказаўшы пасведчанне, інспектарка папрасіла таксіста прайсці для разгляду ў будынак дзяржоргана. Але той не стаў выходзіць з аўтамабіля і працягнуў паездку.
На наступным аўтобусным прыпынку ён сілай, схапіўшы жанчыну за ногі, выцягнуў яе з машыны і з'ехаў.
Пра здарэнне інспектарка паведаміла ў міліцыю. Таксіста хутка знайшлі. Ім аказаўся 45-гадовы мясцовы жыхар.
Распачатая крымінальная справа па ч. 1 арт. 366 КК «Гвалт альбо пагроза ў дачыненні да службовай асобы, якая выконвае службовыя абавязкі, ці іншай асобы, якая выконвае грамадскі абавязак».
Таксісту пагражае да сямі гадоў зняволення.
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары