Для фізічных асоб, якія зарабляюць на продажы прадукцыі з уласнай падсобнай гаспадаркі, увялі падаходны падатак.
Падаходны падатак для агароднікаў складзе 10%. Яго будуць спаганяць у тых выпадках, калі пры праверцы выдаткаў і даходаў чалавек укажа, што набыў маёмасць або зрабіў іншыя буйныя пакупкі за грошы ад продажу прадукцыі з асабістай падсобнай гаспадаркі.
Па такой жа схеме, будуць браць падатак для грыбнікоў і зборшчыкаў ягад.
Падаткавікі раней адзначалі, што пры праверцы выдаткаў і даходаў беларусаў усё часцей сталі атрымліваць тлумачэнні, што буйныя сумы, якія прыцягнулі ўвагу правяральшчыкаў, — гэта даходы ад продажу гародніны, садавіны, мяса або мёду з прысядзібнага ўчастка.
У гэтай сітуацыі чыноўнікі вырашылі абкладаць падаткам такія даходы, калі пры праверцы выдаткаў і даходаў чалавек паказвае такую крыніцу грашовых паступленняў.
Але спаганяць такі збор хочуць з сумы, якая перавысіць 200 базавых велічынь (на сёння гэта 6400 рублёў).
«Пры ўказанні ў рамках правядзення камеральнай праверкі за адпаведнасцю выдаткаў даходам правяраючым згаданых даходаў у якасці крыніц даходаў прапануецца ўвесці механізм іх падаткаабкладання — удакладняюць чыноўнікі. — З мэтай недапушчэння пагаршэння становішча сумленных грамадзян, якія сапраўды займаюцца вырошчваем і рэалізацыяй вышэйпаказанай прадукцыі, прапануецца ўстанавіць мяжу даходу памерам 200 базавых велічынь у год (сёння 6400 рублёў), які вызваляецца ад падаходнага падатку».
Такой жа мяжой 200 базавых вызваляюцца ад падаткаў даходаў тыя, хто займаецца рамеснай дзейнасцю і аграэкатурызмам.
Каментары