Міністр культуры: Больш за 300 чалавек з нашых калектываў «папрасілі». І я лічу гэта правільным
Выступаючы на «дыялогавай пляцоўцы» ў Стоўбцах, міністр культуры Анатоль Маркевіч прызнаў, што ў падначаленай яму галіне праводзяцца маштабныя кадравыя чысткі па ідэалагічных матывах.
Міністр сказаў падчас выступлення:
«Не хаваю, што праводзілі і праводзім сур'ёзную працу па тых нашых супрацоўніках, работніках, якія займаюць дэструктыўную пазіцыю. Маё глыбокае перакананне, што на двух крэслах знаходзіцца не атрымліваецца. Гэта недапушчальна. Трэба вызначыцца, у рэшце рэшт.
Па гэтых меркаваннях больш за 300 чалавек з нашых калектываў папрасілі. І лічу гэта правільным. Работнікі культуры пастаянна ўзаемадзейнічаюць з людзьмі і шмат у чым фарміруюць грамадскую думку. Таму нельга паводзіць сябе па падвойных стандартах. Трэба вызначыцца».
Прытым рэальны маштаб ідэалагічных чыстак можа быць і большы, бо многіх маглі звальняць фармальна не за палітыку. Паводле Маркевіча:
«Пытанні аптымізацыі таксама не новыя. Аптымізавана 1611 штатных адзінак. Нікога не прыціскалі, але дзесьці звяралі пазіцыі».
З Міністэрства культуры звольнілі адказных за ахову спадчыны
Стала вядома, за што звольнілі дырэктарку Музея Янкі Купалы Алену Ляшковіч
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі16
Каментары