Выхлапныя газы аўтамабіляў абцяжарваюць арыентацыю пчол
Выхлапныя газы ад аўтамабіляў і іншага транспарту перашкаджаюць апыленню кветак матылькамі і пчоламі. Пра гэта гаворыцца ў даследаванні брытанскіх эколагаў з Універсітэта Рэдынга, апублікаваным у выданні Environmental Pollution.
Фота: Ratikova / depositphotos.com
Навукоўцы растлумачылі, што з-за змены хімічнага складу атмасферы змяняецца пах кветак, на які арыентуюцца гэтыя насякомыя пры пошуку нектара і пылка. Гэта прыводзіць да гібелі папуляцый і парушэння прыродных працэсаў у экасістэмах.
Даследчыкі нагадалі, што ад стратаў, панесеных гэтымі насякомымі, можа пагоршыцца і харчовая бяспека. Усяго ад апылення залежыць 70% усіх культур, у тым ліку рапс, пшаніца, канюшына, яблыні, какава, трускаўкі.
Каментары