Сустрэча адбылася 7 жніўня. У гутарцы таксама ўдзельнічалі начальнік упраўлення па ахове гісторыка‑культурнай спадчыны і рэстаўрацыі Мінкульта Ігар Чарняўскі і пісьменнік Анатоль Бутэвіч.
Міністр культуры Беларусі Павел Латушка і старшыня Беларускага добраахвотнага таварыства аховы помнікаў гісторыі і культуры Антон Астаповіч абмеркавалі пытанні аховы гісторыка‑культурнай спадчыны. Сустрэча адбылася 7 жніўня.
Як паведаміў БелаПАН Антон Астаповіч, у сустрэчы таксама ўзялі ўдзел начальнік упраўлення па ахове гісторыка‑культурнай спадчыны і рэстаўрацыі Мінкульта Ігар Чарняўскі і старшыня грамадскага назіральнага савета па ахове гісторыка‑культурнай спадчыны пры Мінкульце Анатоль Бутэвіч.
«Мы абмяркоўвалі парадак выдачы дазволаў на правядзенне работ на гістарычных аб’ектах; інертную пазіцыю міністэрства ў дачыненні да парушэнняў заканадаўства аб ахове помнікаў; працу рэспубліканскага навукова‑метадычнага савета па ахове гісторыка‑культурнай спадчыны пры Мінкульце; прывядзенне ў адпаведнасць з заканадаўствам парадку выдачы дазволаў на археалагічныя даследаванні; перспектывы і магчымасці далейшага супрацоўніцтва», — расказаў Астаповіч.
Ён лічыць, што з боку Міністэрства культуры пазіцыя грамадскасці сустрэла разуменне. Дасягнута дамоўленасць аб сумеснай працы па ахове гісторыка‑культурнай спадчыны.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары