1 500 вязняў латвійскіх турмаў, хутчэй за ўсё, хутка могуць выйсці на волю.
З верасня 2009 года ў бюджэце краіны папросту не застаецца сродкаў на аплату камунальных плацяжоў турмаў, харчаванне і іншыя штодзённыя патрэбы. Менавіта неабходнасцю зэканоміць 6 мільёнаў латаў тлумачыць урадавую ідэю зачыніць 3 турмы начальнік упраўлення местаў зняволення Латвіі Вісвалідс Пукітэ ў інтэрвью Latvijas Avīze.
«Толькі ў бліжэйшы час на ўтрыманне турмаў спатрэбіцца 3 мільёны латаў, аднак вельмі сумнеўна, што ва ўрада знойдуцца такія грошы. У такім выпадку праблемы будуць вельмі сур’езныя»,‑‑ адзначыў чыноўнік.
Паводле латвійскіх СМІ, яшчэ ў пачатку лета ў турмах Латвіі былі адзначаны хваляванні з‑за пагаршэння ўмоваў утрымання. Тады зняволяныя скардзіліся на змяншэнне порцый і пагаршэння якасці харчавання.
Цяпер чытаюць
Адвакат Дзмітрый Лепрэтар расказаў пра белыя плямы ў справе аб тэракце ў метро7
Каментары