Бо тое, што цяпер робіць Ізраіль, выстаўляе яго ў кепскім святле.
Прэзідэнт ЗША заклікаў прэм’ер-міністра Ізраіля Біньяміна Нетаньяху наносіць толькі дакладныя ўдары па Ліване. Пра гэта ён распавёў у інтэрв’ю Axios.
«Я сказаў Нетаньяху, што ён павінен дзейнічаць больш дакладна. Не разбураць будынкі. Ён не можа гэтага рабіць. Гэта занадта жудасна і ставіць Ізраіль у дрэннае святло», — сказаў Трамп.
Ён падкрэсліў, што яму падабаецца Ліван і кіраўніцтва краіны.
Амерыканскі лідар таксама лічыць, што краіна можа «вярнуцца да жыцця» пасля заканчэння аперацыі супраць Ірана. «Іран разбурыў Ліван. Іх марыянетка [Хезбала] разбурыла Ліван. Калі Іран будзе пераможаны, Хезбала аўтаматычна будзе пераможана», — падкрэсліў Трамп.
Амерыканскі чыноўнік удакладніў у размове з выданнем, што адміністрацыя Дональда Трампа папрасіла Ізраіль «праявіць стрыманасць» і даць магчымасць новаму дыпламатычнаму працэсу з Ліванам.
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары