МУС пагражае сабатажнікам на чыгунцы, якія перашкаджаюць руху цягнікоў з расійскімі войскамі
З 28 лютага па 1 сакавіка на тэрыторыі Магілёўскай, Гомельскай і Мінскай абласцей зафіксаваныя тры факты знішчэння сігнальнага абсталявання, блакавання чыгуначных шляхоў. Пра гэта паведаміў намеснік міністра ўнутраных спраў ‒ начальнік крымінальнай міліцыі Генадзь Казакевіч.
Паводле Казакевіча, адказнасць за такія дзеянні ўзялі на сябе «Буслы ляцяць» і ByPol.
Акрамя таго, у ноч з 1 на 2 сакавіка ў Стоўбцах падпалілі рэйкі. Былі затрыманыя мясцовыя жыхары, муж з жонкай, якія «на чыгуначных шляхах здзейснілі падпал бярвення з мэтай перашкодзіць руху цягнікоў». Мужчына ўсё здымаў на мабільны тэлефон, дзе «адкрыта выказваў свае тэрарыстычныя намеры», паведамляе прэс-служба МУС.
На відэа, якое распаўсюдзіла МУС, паказалі збітага мужчыну. Дэманстраваліся кадры, якія нібыта ён здымаў падчас падпалу на рэйках. За кадрам гучыць мужчынскі голас: «Брэсцкі накірунак. Ніводная п*ла не пройдзе ва Украіну».
МУС кваліфікаваў гэтыя дзеянні як акты тэрарызму, распачатая крымінальная справа. Інфраструктура Беларускай чыгункі ўзятая пад кантроль органаў унутраных спраў і ўнутраных войскаў, паведамляе МУС.
«Аналіз аператыўнай абстаноўкі ў рэспубліцы сведчыць, што ў цяперашні час мы фактычна знаходзімся ў стане інфармацыйнай вайны», ‒ сказаў Казакевіч.
Паводле яго, прыкладамі інфармацыйных нападаў з'яўляюцца заклікі да блакавання чыгуначных шляхоў, вываду з ладу сігнальнага абсталявання і г. д. ад BYpol, «Буслы ляцяць», Паўла Латушкі, Святланы Ціханоўскай.
24 лютага Расія ўварвалася ва Украіну. Беларусь стала фактычна саўдзельніцай агрэсіі, нягледзячы на тое, што беларускія войскі пакуль не ўдзельнічаюць у ваенных дзеяннях на тэрыторыі Украіны.
Лідары апазіцыі выступілі з заклікамі зрабіць ўсё магчымае для перадухілення вайны. Святлана Ціханоўская аб'явіла антываенную мабілізацыю.
Арганізацыя былых сілавікоў BYPOL заявіла пра новыя акты сабатажу на чыгунцы. Мэта — запаволіць перасоўванне расійскіх войскаў
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары