MUS pahražaje sabatažnikam na čyhuncy, jakija pieraškadžajuć ruchu ciahnikoŭ z rasijskimi vojskami
Z 28 lutaha pa 1 sakavika na terytoryi Mahiloŭskaj, Homielskaj i Minskaj abłaściej zafiksavanyja try fakty źniščeńnia sihnalnaha abstalavańnia, błakavańnia čyhunačnych šlachoŭ. Pra heta paviedamiŭ namieśnik ministra ŭnutranych spraŭ ‒ načalnik kryminalnaj milicyi Hienadź Kazakievič.
Pavodle Kazakieviča, adkaznaść za takija dziejańni ŭziali na siabie «Busły laciać» i ByPol.
Akramia taho, u noč z 1 na 2 sakavika ŭ Stoŭbcach padpalili rejki. Byli zatrymanyja miascovyja žychary, muž z žonkaj, jakija «na čyhunačnych šlachach ździejśnili padpał biarvieńnia z metaj pieraškodzić ruchu ciahnikoŭ». Mužčyna ŭsio zdymaŭ na mabilny telefon, dzie «adkryta vykazvaŭ svaje terarystyčnyja namiery», paviedamlaje pres-słužba MUS.
Na videa, jakoje raspaŭsiudziła MUS, pakazali źbitaha mužčynu. Demanstravalisia kadry, jakija nibyta jon zdymaŭ padčas padpału na rejkach. Za kadram hučyć mužčynski hołas: «Brescki nakirunak. Nivodnaja p*ła nie projdzie va Ukrainu».
MUS kvalifikavaŭ hetyja dziejańni jak akty teraryzmu, raspačataja kryminalnaja sprava. Infrastruktura Biełaruskaj čyhunki ŭziataja pad kantrol orhanaŭ unutranych spraŭ i ŭnutranych vojskaŭ, paviedamlaje MUS.
«Analiz apieratyŭnaj abstanoŭki ŭ respublicy śviedčyć, što ŭ ciapierašni čas my faktyčna znachodzimsia ŭ stanie infarmacyjnaj vajny», ‒ skazaŭ Kazakievič.
Pavodle jaho, prykładami infarmacyjnych napadaŭ źjaŭlajucca zakliki da błakavańnia čyhunačnych šlachoŭ, vyvadu z ładu sihnalnaha abstalavańnia i h. d. ad BYpol, «Busły laciać», Paŭła Łatuški, Śviatłany Cichanoŭskaj.
24 lutaha Rasija ŭvarvałasia va Ukrainu. Biełaruś stała faktyčna saŭdzielnicaj ahresii, niahledziačy na toje, što biełaruskija vojski pakul nie ŭdzielničajuć u vajennych dziejańniach na terytoryi Ukrainy.
Lidary apazicyi vystupili z zaklikami zrabić ŭsio mahčymaje dla pieraduchileńnia vajny. Śviatłana Cichanoŭskaja abjaviła antyvajennuju mabilizacyju.
Arhanizacyja byłych siłavikoŭ BYPOL zajaviła pra novyja akty sabatažu na čyhuncy. Meta — zapavolić pierasoŭvańnie rasijskich vojskaŭ
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary