Прэзідэнт Казахстана прапанаваў адмовіцца ад суперпрэзідэнцкай формы кіравання
Касым-Жамарт Такаеў прапанаваў адмовіцца ад суперпрэзідэнцкай формы кіравання і забараніць займанне дзяржпасад сваякамі прэзідэнта
«Сістэма кіравання, арыентаваная на звышканцэнтрацыю паўнамоцтваў, ужо страціла сваю эфектыўнасць. Яна не здольная кансалідаваць грамадзянскую супольнасць з яе разнастайнасцю поглядаў і перакананняў.
<…>
Важны ўрок трагічнага студзеня ў тым, што канцэнтрацыя паўнамоцтваў у руках вышэйшай службовай асобы ў дзяржаве неапраўдана ўзмацняе ўплыў набліжаных да яе асоб і фінансава-алігархічных груп».
На пачатку года ў Казахстане прайшлі масавыя пратэсты. Яны пачаліся пасля рэзкага росту цэн на звадкаваны газ на захадзе краіны, а потым перакінуліся ў былую сталіцу Алматы. Дэманстранты перайшлі да палітычных патрабаванняў, у прыватнасці заклікалі да поўнага сыходу Назарбаева з палітыкі. Пасля пратэсты перараслі ў беспарадкі.
На фоне беспарадкаў Такаеў змясціў Назарбаева з пасады кіраўніка Рады бяспекі краіны, а таксама замест яго ўзначаліў кіруючую партыю «Нур Атан». Назарбаеў выступіў са зваротам, што ён пенсіянер і не ўмешваецца ў жыццё краіны.
Цяпер чытаюць
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах29
Каментары