Васкрасенcкі ў мілітары і вядучы Азаронак. Вось як выглядаў праўладны пікет каля ўкраінскай амбасады ў Мінску
Каля ўкраінскай амбасады ў Мінску прайшоў праўладны пікет. Мерапрыемства было нешматлюднае, вядоўцам выступіў Рыгор Азаронак.
Заяўлялася, што гэта акцыя ў падтрымку ўкраінскага народа, але потым Азаронак агучыў, што людзі прыйшлі выказацца «супраць нацыcцкай улады ва Украіне». Некаторыя трымалі ў руках плакаты з перакрэсленай абрэвіятурай НАТА і фота дзяцей Данбаса. Таксама былі сцягі ліберальна-дэмакратычнай і камуністычнай партый.
З вядомых праўладных персон на пікеце заўважаныя дэпутат Алег Гайдукевіч і Юрый Васкрасенскі ў вайсковай куртцы.
Пад агароджу амбасады пад'ехаў бульдозер з бульбай у каўшы як адказ на «30 срэбранікаў» ад украінскага галоўнага памежніка. Іх уручылі для старшыні Дзяржаўнага памежнага камітэта Беларусі Анатоля Лапо за тое, што з беларускай тэрыторыі расійскія войскі ўвайшлі ва Украіну.
Учора, нагадаем, 11 супрацоўнікаў беларускай амбасады пакінулі Украіну.
Усе беларускія дыпламаты пакінулі Украіну
Беларускаму паслу ва Украіне перадалі 30 сярэбранікаў ВІДЭА
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары