За арэнднае жыллё можна будзе цяпер не плаціць, калі рамантаваць яго за свой кошт
Лукашэнка падпісаў указ «Аб асаблівасцях выкарыстання арэнднага жылля». Пра гэта паведамляе яго прэс-служба.
Прадугледжваецца магчымасць будаўніцтва арэнднага жылля дзяржаўнымі арганізацыямі за кошт уласных сродкаў і (або) з прыцягненнем крэдытаў, самастойнага вызначэння парадку і ўмоў прадастаўлення гэтага жылля ў адпаведнасці з лакальнымі прававымі актамі (у тым ліку калектыўнымі дамовамі), а таксама ўстанаўлення памеру платы за карыстанне такім жыллём для сваіх работнікаў.
Грошы, атрыманыя ад здачы пабудаванага арэнднага жылля, будуць заставацца ў арганізацый і накіроўвацца на будаўніцтва новага арэнднага жылля, пагашэнне крэдытаў (прыцягнутых на яго будаўніцтва), а таксама на ўтрыманне і развіццё матэрыяльна-тэхнічнай базы, звязанай з абслугоўваннем жыллёвага фонду.
Дакумент таксама дае права выканкамам вызваляць грамадзян ад платы за карыстанне арэндным жыллём камунальнага жыллёвага фонду, якія патрабуюць рамонту, пры ўмове яго выканання са згоды грамадзян за кошт уласных сродкаў.
«Усе экстрэмісты ці ўжо асуджаныя, ці з'яўляюцца фігурантамі спраў, якія будуць разгледжаны судамі». Швед падводзіць рысу пад рэпрэсіямі?7
Каментары