Столтэнберг: Расія рыхтуе новы наступ ва Украіне. А НАТА будзе пастаўляць зброю столькі, колькі трэба
Расійскія войскі ва Украіне не адводзяцца, а здзяйсняюць перагрупоўку, заявіў у чацвер генеральны сакратар NATO Енс Столтэнберг, каментуючы заявы Масквы аб «кардынальным зніжэнні інтэнсіўнасці баявых дзеянняў» на кіеўскім і чарнігаўскім кірунках.
Па словах Столтэнберга, альянс пакуль не ўпэўненны, што Расія вяла сумленныя перамовы ў Стамбуле, паколькі ваенныя задачы Масквы з пачатку ўварвання ва Украіну не змяніліся.
Пасля заканчэння расійска-ўкраінскіх перамоваў у Стамбуле прадстаўнік міністэрства абароны РФ заявіў пра кардынальнае зніжэнне інтэнсіўнасці баявых дзеянняў на кіеўскім і чарнігаўскім кірунках.
«Паводле звестак нашай разведкі, расійскія падраздзяленні не адводзяцца, яны перамяшчаюцца на новыя пазіцыі. Расія спрабуе перагрупаваць іх, узмацніць і пераўзброіць для наступу ў Данбасе», — сказаў Столтэнбэрг, выступаючы перад журналістамі ў Бруселі.
«У той жа час Расія працягвае аказваць ціск на Кіеў і іншыя гарады. Так што мы чакаем новых наступальных аперацый, якія прынясуць яшчэ больш пакут [украінскаму народу]».
«Мы не бачым сапраўдных пераменаў у расійскіх задачах… Яны працягваюць дамагацца ажыццяўлення сваіх мэтаў ваенным спосабам», — падкрэсліў генеральны сакратар НАТА.
Ён дадаў, што саюзнікі па НАТА працягнуць пастаўляць зброю Украіне настолькі доўга, наколькі спатрэбіцца.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары