Латвійскі газавы аператар паведаміў, што пастаўкі газу спыненыя з 1 красавіка. Ён звязаў гэта з пераводам кантрактаў з «Газпрамам» на рублі.
У краіны Балтыі — Латвію, Літву і Эстонію — з 1 красавіка спыненыя пастаўкі расейскага газу, паведаміў латвійскаму парталу LSM.iv у нядзелю, 3 красавіка, старшыня праўлення латвійскага газавага аператара Conexus Baltic Grid Улдзіс Барыс.
«Хоць сумневы ў тым, што на расейскія пастаўкі можна спадзявацца, ужо былі, гэтыя падзеі ясна паказваюць, што з пункту гледжання бяспекі ніякай упэўненасці больш няма», — сказаў Барыс. Паводле яго слоў, цяпер адназначна неабходна «вырашаць пытанне аб будаўніцтве другога СПГ-тэрмінала, і чым хутчэй, тым лепш».
Са слоў кіраўніка Conexus, цяпер пастаўкі газу ў краіны Балтыі ідуць з Клайпедскага тэрмінала звадкаванага газу (Літва) і Інчукалнскага газасховішчы (Латвія). Барыс мяркуе, што прычын хвалявацца няма: у Інчукалнскім газасховішчы нетыпова шмат газу для гэтага перыяду — 7,6 тэрават-гадзін — амаль столькі ж, колькі Латвія і Літва спажываюць у зімовыя месяцы, адзначыў ён.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі22
Аляксандр Лукашэнка так ляснуўся на лёд на хакеі, што трыбуны замерлі
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары