З'явілася інфармацыя пра магчымы арышт аднаго з крамлёўскіх ідэолагаў Уладзіслава Суркова
Былы дэпутат расійскай Дзярждумы Ілля Панамароў напісаў у Фэйсбуку, што, паводле ягоных крыніц, у Маскве арыштавалі Уладзіслава Суркова — былога дарадцу Уладзіміра Пуціна. Панамароў адзначыў, што Суркоў цяпер знаходзіцца пад хатнім арыштам.
Паводле яго слоў, цяпер праводзяцца следчыя мерапрыемствы па справе аб крадзяжах на Данбасе з 2014 года.
«Уладзіслаў Суркоў знаходзіцца пад хатнім арыштам. Зараз праводзяцца следчыя мерапрыемствы па справе аб крадзяжах на Данбасе з 2014 года», — цытуе Панамароў свае крыніцы.
Ён дадаў, што хоць Пуцін і звольніў Суркова ў 2020 годзе, экс-дарадца расійскага прэзідэнта ўсё яшчэ застаецца тым чалавекам, які разумее рэальную сітуацыю ў так званых «ЛНР» і «ДНР». Там у яго засталіся сувязі.
«Суркоў заўсёды быў досыць блізкі да Кадырава і відавочна, што многае «акадэмік» не сам выдумляе, а верны запаветам Уладзіслава Юр'евіча», — піша Панамароў пра яшчэ адну верагодную прычыну затрымання.
Блізкасці з Кадыравым магло спрыяць тое, што, нягледзячы на славянскія прозвішча і імя, Уладзіслаў Суркоў паводле паходжання напалову чачэнец. Ягонага бацьку звалі Андарбек Дудаеў, і першыя некалькі гадоў жыцця Суркоў правёў у сяле Дуба-Юрт у Чачні, пакуль маці з бацькам не развяліся.
Уладзіслаў Суркоў раней займаў пасады віцэ-прэм'ера і памочніка Пуціна, ён лічыцца адным з ідэолагаў і натхняльнікаў «Рускай вясны» 2014 года, калі Расія ўпершыню пачала ваенную агрэсію ва Украіне з анексіяй Крыма і пачаткам вайны на Данбасе.
Пацвярджэння інфармацыі пра арышт Суркова пакуль што няма.
Кіраўнік знешняй разведкі ФСБ, які адказваў за Украіну, пераведзены ў СІЗА
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары