У Расіі ўключылі ў спіс «іншаагентаў» яшчэ 9 чалавек, сярод іх Дудзь і Шульман
Журналіст, папулярны відэаблогер і аўтар дакументальных фільмаў Юрый Дудзь, палітолаг Кацярына Шульман, галоўны рэдактар The Insider Раман Дабрахотаў і карыкатурыст Сяргей Елкін унесеныя Мінюстам Расіі ў рэестр СМІ — «замежных агентаў».
У гэты рэестр разам са згаданымі таксама ўнесеныя журналіст Карэн Шаінян, кіраўнік псіхалагічнай службы расійскай ЛГБТ-сеткі Марыя Сабунаева, феміністка і ЛГБТ-актывістка Рэгіна Дзугкоева, журналісты Аляксей Сямёнаў і Кірыл Круглікаў.
У рэестры цяпер 142 юрыдычных асобы і грамадзяніна Расіі, прызнаныя СМІ-«іншаземнымі агентамі».
Уключэнне ў рэестр накладае на чалавека шэраг патрабаванняў, у тым ліку аб фінансавай справаздачнасці, а таксама абавязак маркіраваць усе свае запісы ў сацсетках спецыяльным дысклеймерам. За парушэнне пагражае адміністрацыйная, а затым і крымінальная адказнасць.
Пра прычыны ўнясення гэтых асобаў у спіс расійскі Мінюст, як звычайна, не паведаміў.
Але многія з іх у апошні час тым ці іншым спосабам выступалі супраць расійскага ўварвання ва Украіну. Юрый Дудзь днямі апублікаваў дакументальны фільм «Чалавек падчас вайны» — пра тое, як расіяне ў Будапешце дапамагаюць украінскім уцекачам.
Кацярына Шульман на гэтым тыдні паведаміла, што з'ехала ў Берлін, атрымаўшы стыпендыю ад аднаго з германскіх фондаў. Пра ад'езд за мяжу паведаміў і Сяргей Ёлкін.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары