Як выглядаюць кватэры ў цэнтры Мінска, якія каштуюць амаль чатыры тысячы за квадрат ФОТЫ
У адным з дамоў квартала Depo, які будуюць каля плошчы Перамогі, кватэры будуць прадаваць з аздабленнем White Box — гэта значыць сцены там будуць падрыхтаваныя для нанясення любых дэкаратыўных пакрыццяў: застанецца толькі скончыць аздабленне па сваім дызайне і паставіць мэблю, тэхніку і дэкор, паведамляе Citydog.by.
У доме 21 такая кватэра розных памераў — ад апартаментаў з дзвюма спальнямі на 88,6 «квадрата» да 222-метровых пентхаўсаў. Унутры — высокія столі ад 3,05 метра, панарамныя вокны, у кожнай кватэры разведзены фрэонаправод для кандыцыянера. Кухні аб'яднаныя з гасцінымі, а ў майстар-спальнях ёсць гардэробныя і ўласныя ванныя. Прадуманыя таксама спецыяльныя пакоі для захоўвання і мыцця бялізны.
White Box plus
У суседніх дамах кватэры будуць прадаваць у фармаце White Box plus. Тут ужо столь будзе падшытая гіпсакардонам і як сцены гатовая пад фінішнае пакрыццё. А яшчэ будуць дызайнерская зашыўка сцен, аўтарская разводка электрыкі, сістэмы кандыцыянавання з устаноўкай абсталявання Mitsubishi і ўстаноўка сістэмы вентыляцыі.
Будзе і магчымасць купіць кватэру толькі з інжынерным пакетам: электрыкай, сістэмамі вентыляцыі і кандыцыянавання, вывадам убудаваных сантэхнічных камунікацый.
А колькі каштуе?
Забудоўшчык ужо адкрыў продажы абодвух варыянтаў кватэр. Кошты — ад 3880$ за «квадрат».
Каментары