У ЕС плануюць палегчыць канфіскацыю маёмасці, здабытай злачынным шляхам. Гэта кране расіян і беларусаў
Законапраект, які прапануе Еўракамісія, мае на мэце дазволіць адбіраць злачынна нажытыя сродкі без абвінаваўчага прысуду суда. Новыя меры плануюць распаўсюдзіць таксама на расійскіх і беларускіх бізнэсменаў, паведаміў намеснік старшыні Еўракамісіі Маргарыціс Схінас у інтэрв'ю штотыднёвіку Welt am Sonntag.
Еўракамісія ў мэтах барацьбы супраць арганізаванай злачыннасці мае намер прапанаваць папраўкі ў заканадаўства, якія спросцяць канфіскацыю маёмасці, нажытай злачынным шляхам. Новыя меры плануецца распаўсюдзіць таксама на расійскіх і беларускіх бізнэсменаў і палітыкаў, звязаных з вайной Расіі ва Украіне.
«Еўракамісія ў найбліжэйшы час выкажа прапанову аб удасканаленні дзеючых прававых рамак ЕС, якія тычацца канфіскацыі маёмасці, каб узмацніць паўнамоцтвы нацыянальных органаў правапарадку па выяўленні, замарозцы і канфіскацыі маёмасці, якая нажытая злачынным шляхам, і кіраванне ёй», — сказаў Маргарыціс Схінас, адзначыўшы, што дзеючых законаў недастаткова, каб пазбавіць арганізаваную злачыннасць высокіх прыбыткаў.
Па словах Схінаса, аб'ём злачынных даходаў у ЕС складае не менш за 139 мільярдаў еўра, але з гэтай сумы ўдаецца канфіскаваць толькі адзін працэнт.
Распрацаваныя Еўракамісіяй папраўкі дазволяць канфіскаваць злачынныя сродкі і кіраваць імі без абвінаваўчага прысуду суда, адзначыў Схінас.
Ён таксама паведаміў, што новыя правілы дапамогуць Еўракамісіі больш эфектыўна выконваць санкцыі супраць алігархаў і блізкіх да Пуціна палітыкаў.
«Вельмі канкрэтны прыклад таго, наколькі важная замарозка і канфіскацыя маёмасці, мы бачым у сувязі з санкцыямі ЕС супраць расіян і беларусаў, якія спрыялі вайне ва Украіне», — сказаў Схінас.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м99
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1414
Каментары