Мэр Масквы Сяргей Сабянін анансаваў аднаўленне вытворчасці аўтамабіляў пад брэндам «Масквіч». Іх будуць збіраць на базе былога маскоўскага завода Renault, які перайшоў на баланс Масквы, паведаміў ён.
«Замежны ўласнік прыняў рашэнне закрыць маскоўскі завод «Рэно». Гэта яго права, але мы не можам дапусціць, каб шматтысячны працоўны калектыў застаўся без працы. Таму я прыняў рашэнне забраць завод на баланс горада і аднавіць вытворчасць легкавых аўтамабіляў пад гістарычным брэндам «Масквіч»», — сказаў мэр Масквы.
Адроджаныя «Масквічы» ў перспектыве стануць электрамабілямі, дадаў мэр сталіцы.
Расійскія актывы Renault перайшлі ў дзяржаўную ўласнасць. У выніку здзелак долі ў актывах размяркуюцца наступным чынам: 100% акцый ЗАТ «Рэно Расія» будзе валодаць урад Масквы, 67,69% акцый аўтаканцэрна «Аўтаваз» пераходзяць ва ўласнасць Расійскай Федэрацыі ў асобе ФДУП «НАМІ», астатнія акцыі аўтаканцэрна АЎТАВАЗ атрымае «Растэх».
Сэрвіснае абслугоўванне аўтамабіляў Renault на расійскім рынку будзе ажыццяўляць АЎТАВАЗ.
Кандыдат у прэзідэнты ад камуністаў заклікае забраць і падзяліць маёмасць апазіцыянераў20
Каментары