На поўдні Германіі кошкам забаранілі гуляць на вуліцы пад пагрозай штрафу
Каменданцкая гадзіна для кошак? Гучыць дзіўна, але ў горадзе Вальдорф на поўдні Германіі амаль так і ёсць — там кошкам забаранілі гуляць па вуліцы да канца жніўня. Гаспадарам парушальнікаў рэжыму пагражае грашовы штраф 500 еўра.
Прычына такіх строгасцяў — абарона чубатых жаўрукоў (Galerida cristata), у якіх праходзіць актыўны шлюбны перыяд. Гэтыя птушкі знаходзяцца пад пагрозай знікнення і ў федэральнай зямлі Бадэн-Вюртэмберг ўнесены ў «чырвоны спіс» першай катэгорыі.
Жаўрукі гняздуюцца проста на зямлі, у кустах або, напрыклад, блізу садовых пабудоў, у зацішных кутках побач з чалавечымі селішчамі, гэта значыць як раз там, дзе кошка лёгка змагла б знайсці іх. І калі такое няшчасце ўсё ж адбудзецца, то за даказанае забойства жаўрука прыйдзецца заплаціць ужо 50 тысяч еўра.
Зрэшты, выгульваць кошку пры жаданні можна — на спецыяльнай шлейцы альбо з GPS-датчыкам, каб адсочваць маршрут (для гэтага трэба запытваць асобны дазвол).
У Германіі вельмі строгія правілы ўтрымання хатніх жывёл, да прыкладу, за сабак прыходзіцца плаціць спецыяльны падатак. Кошкі пакуль абыходзяцца ўладальнікам бясплатна, а дзе-нідзе нават шукаюць людзей на вакансію гладзільшчыка кошак — праўда, усё ж на валанцёрскіх пачатках.
Хто з палітвязняў выйшаў на свабоду 16 верасня ПОЎНЫ СПІС23
Каментары