Дарадца кіраўніка Офіса прэзідэнта Украіны Міхаіл Падаляк адрэагаваў на прапуцінскую прапанову былога дзяржсакратара ЗША, выказаную на Давоскім форуме.
«Гэтак жа лёгка, як спадар Кісінджэр прапануе аддаць Расіі частку Украіны, ён дазволіў бы забраць Польшчу або Літву. Добра, што ва ўкраінцаў у акопах няма часу слухаць парады «давоскіх панікёраў». Трохі занятыя, абараняем свабоду і дэмакратыю», — напісаў Падаляк у Твітары.
Нагадаем, што амаль 99-гадовы былы дзяржсакратар ЗША, выступаючы на эканамічным форуме ў Давосе, заклікаў Захад спыніць спробы нанесці поўнае паражэнне расійскім сілам ва Украіне, а саму Украіну — пайсці на тэрытарыяльныя саступкі на карысць Расіі.
Бо, маўляў, Расія была неад'емнай часткай Еўропы на працягу чатырох стагоддзяў і забяспечвала еўрапейскі баланс сіл у крытычныя моманты. Таму еўрапейскія лідары павінны глядзець на доўгатэрміновую перспектыву і не рызыкаваць падштурхнуць Расію да яшчэ большага збліжэння з Кітаем.
Чытайце таксама:
Кісінджэр: Украіна мусіць стаць нейтральнай дзяржавай і адмовіцца ад часткі тэрыторый
-
Дэпутата Еўрапарламента, які расследаваў злоўжыванні Pegasus, самога ўзламалі гэтай шпіёнскай праграмай
-
Расіянку, якая зрабіла ў бары «кальян на кулічы», усё ж не будуць адпраўляць у калонію
-
Ватыкан адлучыў ад царквы Брацтва святога Пія X. Раскольнікі маюць капліцу ў Мінску, дзе ўсё па-руску — што цяпер чакае гэтых вернікаў
Цяпер чытаюць
Радзільныя дамы спаборнічаюць, у каго 3 ліпеня народзіцца больш дзяцей12
Каментары