Да 10 гадоў пазбаўлення волі запатрабаваў прысудзіць Сяргею Букасу прадстаўнік дзяржабвінавачання.
Да 10 гадоў пазбаўлення волі запатрабаваў прысудзіць Сяргею Букасу прадстаўнік дзяржабвінавачання.
Як паведамляла “НН” раней , два месяца таму нечакана быў арыштаваны Сяргей Букас — уласнік кампаніі «Сакуб». Такім чынам скончылася ягоная спрэчка з партнёрам па бізнесе Гансам Хорнбахерам, грамадзянінам Германіі. Праз месяц пасля арышту ў судзе Савецкага раёна пачаліся слуханні па справе. Ініцыятарам выступіў Ханс Хорнбахер.
Абвінавачваны і ягоны адвакат назвалі абвінавачванне ды і само следства недарэчнасцю. Яны спадзяваліся, што ўсё растлумачыць сам Хорнбахер, але ён не прыехаў на судовыя слуханні. Спачатку ён двойчы не з’явіўся на іх, бо яго быццам бы не апавясцілі. А потым і зусім пакінуў Беларусь і папрасіў разглядаць справу ў яго адсутнасць.
На думку боку абароны, сам факт, што галоўны сведка абвінавачвання не жадае з’яўляцца ў суд і адказваць на непрыемныя пытанні, павінен быў падштурхнуць пракурора перагледзець сваю пазіцыю, але адбылося зусім супрацьлеглае. Абвінавачванне не толькі заявіла пра тое, што віна Сяргея Букаса не выклікае сумнення, але і папрасіла пакараць яго як мага больш жорстка, прыгаварыўшы да 10 гадоў пазбаўлення волі.
Планавалася, што 8 верасня Сяргей Букас выступіць з апошнім словам, пасля чаго суд агучыць рашэнне, але апошняе слова нечакана было перанесена на канец верасня.
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай6
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3333
Каментары