Зяленскі даручыў вайскоўцам праверыць, ці гатовыя яны да нападу з Беларусі
У сераду прэзідэнт Украіны Уладзімір Зяленскі сабраў пасяджэнне Стаўкі галоўнакамандуючага адносна магчымай пагрозы новага ўварвання з боку Беларусі, на якім даручыў правесці праверку гатоўнасці ў чатырох абласцях. Пра гэта сказаў сакратар Рады нацыянальнай бяспекі і абароны Украіны Аляксей Данілаў у эфіры праграмы «Гаворыць вялікі Львоў» у чацвер, паведамляе «Украінская праўда».
Данілаў сказаў:
«Што тычыцца кірунку з Беларусі. Я хачу паведаміць, што, акрамя РНБА, Стаўка вярхоўнага галоўнакамандуючага…
Учора прэзідэнт сабраў Стаўку, і прагаворвалася менавіта гэтае пытанне — пытанне Беларусі.
Давалі ацэнку ўсе нашыя органы, якія да гэтага датычныя — што там адбываецца, у якім стане знаходзіцца сёння армія Беларусі, колькі там вайскоўцаў РФ, якія планы. Усё гэта знаходзіцца на кантролі нашага прэзідэнта, і Стаўка ўчора менавіта з гэтай нагоды працавала даволі доўга. І я лічу, што дастаткова эфектыўна.
У выніку ёсць даручэнне — цяпер будзе адбывацца праверка ў чатырох абласцях стану падрыхтоўкі ў выпадку, калі будуць адбывацца такія паўторныя выклікі для нашай краіны».
Данілаў, праўда, не ўдакладніў, у якіх менавіта абласцях будзе праведзеная праверка. Увогуле з Беларуссю мяжуюць 5 абласцей Украіны: Чарнігаўская, Кіеўская, Жытомірская, Ровенская і Валынская.
Цяпер чытаюць
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары