На волю выйшаў адзін з лідараў прафсаюзнага руху Пазнякоў. Ён адсядзеў 30 сутак
Пазнякову паставілі ў віну тое, што на ягоным аватары ў Фэйсбуку быў сцяг Украіны і заклік «за незалежнасць». Ён адбыў 30 дзён арышту.
16 чэрвеня стала вядома, што сілавікі адпусцілі на волю старшыню Беларускага незалежнага прафсаюза, выканаўцу абавязкаў старшыні Беларускага кангрэса дэмакратычных прафсаюзаў Максіма Пазнякова.
«Яго сустракалі прадстаўнікі БНП «Нафтан» Вольга Брыцікава і Ніна Барысава. Пракурор папярэдзіў — пасля трох правапарушэнняў на працягу года, а Максіму ўжо прад’яўленыя два абвінавачанні, будуць крымінальныя справы», — гаворыцца ў паведамленні БКДП.
Пазнякоў адбыў два 15-сутачныя адміністрацыйныя арышты. Яго затрымалі 17 мая ў Наваполацку. Пазнякову паставілі ў віну тое, што на ягоным аватары ў Фэйсбуку быў сцяг Украіны і заклік «За незалежнасць».
18 і 19 красавіка па краіне пракацілася хваля затрыманняў актывістаў незалежнага прафсаюзнага руху. Тады былі затрыманыя каля 15 чалавек. Многія знаходзяцца за кратамі.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны44
Каментары