Балгарыя высылае адразу 70 супрацоўнікаў расійскага пасольства. Іх падазраюць у шпіянажы
Балгарыя аб'явіла пра высылку ўжо ў канцы тыдня 70 супрацоўнікаў расійскага пасольства — дыпламатаў і прадстаўнікоў тэхнічнага персанала. Іх падазраюць у шпіянажы. Пра гэта заявіў прэм'ер-міністр Балгарыі Кірыл Петкаў. Ён упэўнены, што расіяне выкарыстоўвалі працу ў пасольстве як прыкрыццё.
Міністэрства замежных спраў Балгарыі
«Я хацеў бы сказаць усім замежным дзяржавам, не толькі Расіі, што ў нас ёсць службы, якія абараняюць інтарэсы краіны, і любы, хто працуе супраць інтарэсаў Балгарыі, будзе высланы назад», — падкрэсліў Петкаў.
У Балгарыі павінны цяпер застацца толькі 23 расійскія дыпламаты і 25 тэхнічных супрацоўнікаў. Гэта адпавядае цяперашняй колькасці супрацоўнікаў пасольства Балгарыі ў РФ. Аднак Расія ўжо рыхтуе меры ў адказ.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ